Bu gün kişi voleybolçulardan ibarət  Azərbaycan millisi Avropa çempionatının mərhələsində sonuncu oyununu keçirib. A qrupunda yer alan yığmamız seçmə mərhələnin son matçında Danimarka kollektivi ilə qarşılaşıb.

Matç rəqibin üstünlüyü ilə başlayıb. İlk setdə 25:19 hesabı ilə qalib gələn Danimarka millisi sonrakı hissələri də aktivinə yazıb - 25:19, 25:15. Nəticədə rəqib 3 xalı 3:0 hesablı qələbə ilə əldə edib.

Yığmamızın yer aldığı A qrupunun birincisi 10 xalla Türkiyə yığması olub. Danimarka 8 xalla ikinci, oyunları xalsız başa vuran Azərbaycan millisi isə turnir cədvəlində sonuncu olub.

Qeyd edək ki, ümumilikdə təsnifat oyunlarında 26 komanda 7 qrupa bölünüb. Qrupun ən güclüləri və 5 ən yaxşı ikinci yerin sahibi final mərhələsində iştirak hüququ qazanacaq.

AVRO-2023-ün təsnifat mərhələsi

A qrupu

 3 avqust

Azərbaycan - Danimarka 1:3 (22:25, 25:23, 16:25, 16:25)

6 avqust

Azərbaycan - Türkiyə 0:3 (11:25, 20:25, 16:25)

17 avqust

Türkiyə - Azərbaycan 3:0 (25:15, 25:16, 25:19)

20 avqust

Danimarka - Azərbaycan 3:0 (25:19, 25:19, 25:15)