Qadın voleybolçulardan ibarət Azərbaycan millisi Avropa çempionatının təsnifat mərhələsində növbəti oyununu keçirib.

Komandamız bu gün Bakıdakı Voleybol Mərkəzində Sloveniya kollektivini qəbul edib. Görüş 25:11 hesabı ilə qonaqların qələbəsi ilə başlayıb. İkinci seti 25:19 hesabı ilə millimiz qalib gəlsə də, rəqib növbəti hissələrin 25:18, 25:21 və matçın qalib olub - 3:1. Beləkiklə ilk 4 turdan sonra xallarının sayını 11-ə çatdıran Sloveniya qrup liderliyinə yüksəlib. Azərbaycan komandası 9 xalla ikinci, Avstriya 4 xalla üçüncüdür. Xalı olmayan Gürcüstan seçməsi isə sonuncu pillədə qərarlaşıb. 

Qeyd edək ki, yığmamız növbəti oyununu sentyabrın 7-də səfərdə Sloveniyaya qarşı keçirəcək.

Qruplarda birinci və ikinci yeri tutacaq komandalar Belçika, İtaliya, Estoniya və Almaniyanın ev sahibi olacağı AVRO-2023-ün final mərhələsinə yüksələcək.