Sentyabr 16-dan 18-dək Makedoniyanın paytaxtı Skopyedə Avropa Voleybol Konfederasiyası (CEV) Regional Voleybol İnkişaf Mərkəzlərinin xətti ilə məşqçi-müəllimlərin beynəlxalq seminarı keçiriləcək.
Müxtəlif ölkələrin məşqçi-müəllimlərinin iştirak edəcəyi təlimlərə ölkəmizdən də 4 məşqçi - Yana Kuznetsova, Vadim Kutukov, Vladimir Larkin və Vüsal Qurbanov öz biliklərini daha da genişləndirmək üçün qatılacaqlar.
2 gün davam edəcək seminarda orta məktəb müəllimləri, aşağı yaş qruplarında məşq keçən məşqçilər həm nəzəri, həm də praktiki biliklərini daha da artıracaqlar.