Azərbaycan millisinin voleybolçusu Yelizaveta Ruban Rumıniya Superkubokunu qazanıb. O, bu uğura şərəfini qoruduğu "CSM Lugoj" komandasında imza atıb. 

Final matçında "CSO Voluntari" klubu ilə üz-üzə gələn  "CSM Lugoj" quru hesablı (3:0, 25:21, 25:23, 25:22) qələbə qazanıb. Bununla da voleybolçumuzun komandası Rumıniya Superkubokuna sahib çıxıb. 

Qeyd edək ki, bu, "CSM Lugoj"un qazandığı ilk kubokdur.