IV dövrənin oyunlarına martın 2-də və 3-də start veriləcək.
                                  Azərbaycan Voleybol Federasiyası
IV dövrənin oyunlarına martın 2-də və 3-də start veriləcək.

Kişilər və qadınlar arasında Azərbaycan çempionatlarında növbəti oyunların vaxtı dəqiqləşib. IV dövrənin oyunlarına martın 2-də və 3-də start veriləcək.

Martın 2-də qadın voleybolçular arasında Yüksək Liqada X turun oyunları keçiriləcək. Həmin gün ilk olaraq meydana “Azərreyl” - “Murov” klubları çıxacaq. Görüş saat 16:00-da başlanacaq. Turun növbəti qarşılaşmasında isə “Abşeron” və UNEC üz-üzə gələcək. Bu oyunun start fiti isə saat 18:00-da çalınacaq.

Kişi voleybolçular arasında Yüksək Liqada X turun oyunları martın 3-də keçiriləcək. Voleybol Mərkəzində təşkil ediləcək turun ilk matçı saat 16:00-da “Neftçi” və “Murov” komandaları arasında olacaq. Saat 18:00-da isə MOİK - “Xarı bülbül” dueli start götürəcək.