????20-26 noyabr tarixlərində Şərqi Avropa Zonal Assosiasiyası (EEVZA) çempionatında iştirak edəcək 18 yaşadək voleybolçu qızlardan ibarət komandamız bu gün Latviyanın Daugavpils şəhərinə yola düşüb.
Şahin Çatmanın rəhbərlik etdiyi komandamız noyabrın 20-də ilk matçını ev sahibi Latviya komandasına qarşı keçirəcək. 
Qeyd edək ki, qızlarımız Gürcüstan, Latviya, Ukrayna, Litva, Estoniya və Polşa kollektivləri ilə üz-üzə gələcək.

“AVRO-2024”ə seçmə xarakteri daşıyan yarışın reqlamentinə əsasən, çempion qitə birinciliyinin final mərhələsinə vəsiqə əldə edəcək.