Çimərlik voleybolçularımız “Bioderma Pro Beach Tour” açıq çempionatında iştirak edəcəklər.

Bu gün çimərlik voleybolçularımız beynəlxalq yarışda iştirak etmək üçün Türkiyəyə yola düşüblər. Bu dəfə təmsilçilərimiz 4-9 sentyabr tarixlərində Türkiyənin Mersin şəhərində təşkil olunacaq “Bioderma Pro Beach Tour” açıq çempionatında qüvvələrini sınayacaqlar. Yarışda ölkəmizi 3 qadın (Səbinə Əlizadə/Lizi Latsabidze; Nərmin Səmədzadə/Fidan Əhmədxanov; Larisa Smetsova/Çinarə Quliyev) və üç kişi komandası (Vadim Kutukov/Heydər Məmmədli; Nəriman Bayramlı/Muhammad Aslanlı; İbrahim Məmmədov/Aqşin Ağazadə) təmsil edəcək. Yarışda oğlanlar İqor Olefirin, qızlar isə Nihad Tanrıverdiyevin baş məşqçiliyi ilə yarışacaqlar.

Qeyd edək ki, “Bioderma Pro Beach Tour” açıq çempionatında iştirak edən komandalar FIVB reytinq xalları qazanacaq.