Kişi voleybolçulardan ibarət Azərbaycan millisi Avropa çempionatının seçmə mərhələsinə hazırlıqları davam etdirir.
Komandamız 2026-cı ildə baş tutacaq qitə birinciliyinin seçmə mərhələsi çərçivəsində təlim-məşq toplanışına iyulun 15-də başlayıb. Hazırlıq prosesi GİN-in Voleybol Mərkəzində keçirilir. Fərid Calalovun rəhbərlik etdiyi yığmamıza ümumilikdə 14 voleybolçu cəlb olunub.
Millimiz seçmə mərhələdə Belçika və Avstriya kollektivləri ilə qarşılaşacaq. Komandamız avqustun 13-də səfərdə Belçika, avqustun 16-da isə Bakıda Avstriya milliləri ilə üz-üzə gələcək.
Qeyd edək ki, Avropa Voleybol Konfederasiyasının təqviminə əsasən, bu mərhələnin ilk oyunları 2024-cü ilin avqust ayında keçirilib.
Kişi voleybolçulardan ibarət Azərbaycan millisi Avropa çempionatının (EuroVolleyM 2026) təsnifat mərhələsində iştirak edəcək.

2026 Avropa Çempionatının təsnifat mərhələsi – B qrupu