Qar voleybolu üzrə ölkə kuboku başa çatıb.

Şahdağ Turizm Mərkəzində təşkil olunan yarışın son günündə qadınların yarışında üç qarşılaşma baş tutub. Dairəvi sistem üzrə keçirilən yarışda mükafatçılar turnir cədvəlinə görə müəyyənləşib. Bütün oyunlarda qalib gələn “Gəncə” (4 qələbə, 12 xal) birinci, “Milli” (3 qələbə, 8 xal) ikinci, “AZERRAIL” isə (2 qələbə, 6 xal) üçüncü yeri tutub.

Kişilərin yarışında bürünc medal uğrunda “Gənclər” və “Baku Fires” komandaları üz-üzə gəliblər. “Baku Fires” 2:0 hesabı ilə qalib gələrək turnirin üçüncüsü olub. Finalda isə “AZERRAIL” komandası “Qaraqaya” ilə qarşılaşıb. “AZERRAIL” 2:0 hesabı ilə oyunun qalibi olub. Beləliklə, “AZERRAIL” ölkə kubokunun sahibi olub, “Qaraqaya” komandası isə yarışın gümüş medalını qazanıb.

Oyunlardan sonra mükafatlandırma və bağlanış mərasimi keçirilib. Qalib və mükafatçılara diplom, kubok, medallar və yarışda Azərbaycan Voleybol Federasiyasının tərəfdaşı olan VMF saat fabriki tərəfindən hədiyyələr təqdim olunub.

Mükafatları Milli Məclisin deputatı Əlibala Məhərrəmzadə, Azərbaycan Voleybol Federasiyasının vitse-prezidenti Bəhruz Quliyev, baş katib Faiq Orucov və VMF saat fabrikinin direktoru Orxan Məmmədov təqdim ediblər.

Oyunların nəticələri

25 yanvar

Qadınlar

“Gəncə” - “Milli” 2:0 (15:8, 15:8)

“Milli-2” - “Qaraqaya” 2:0 (15:7, 15:13)

“AZERRAIL” - “Gəncə” 0:2 (8:15, 12:15)

Kişilər

3-cü yer

“Gənclər” - “Baku Fires” 0:2 (8:15, 14:16)

Final

“Qaraqaya” - “AZERRAIL” 0:2 (5:15, 6:15)

Qadın və kişi voleybolçuların Yüksək Liqalarında XI turun oyunları keçiriləcək

28 yanvar

Yüksək Liqa (kişilər)

XI tur

16:00. “Neftçi” – “ORDU”

18:00. “Murov Az Terminal” – “AZERRAIL”

Ünvan: FHN-nin idman zalı

29 yanvar

Yüksək Liqa (kişilər)

XI tur

17:00. “Gənclər” – “Xilasedici”

Ünvan: Abşeron OİK

29 yanvar

Yüksək Liqa (qadınlar)

XI tur

16:00. “Gənclər” – “Turan”

18:00. “DH Volley” – “AZERRAIL”

Ünvan: AVF-nin idman zalı

30 yanvar

Yüksək Liqa (qadınlar)

XI tur

17:00. “Abşeron” – “UNEC”

Ünvan: AVF-nin idman zalı

31 yanvar

Yüksək Liqa (qadınlar)

XI tur

14:00. “Gəncə” – “Murov Az Terminal”

Ünvan: Gəncə İdman Sarayı

YÜKSƏK LİQA (qadınlar)
Turnir cədvəli

  Qar voleybolu üzrə ölkə kubokunun oyun proqramı müəyyənləşib.

Azərbaycan Voleybol Federasiyasının təşkilatçılığı ilə 24-25 yanvar tarixlərində Şahdağ Turizm Mərkəzində təşkil olunacaq yarışda qadınlardan ibarət 5 komanda — “Gəncə”, “AZERRAIL”, “Milli”, “Milli-2” və “Qaraqaya”, kişilərdən ibarət 4 komanda — “Gənclər”, “Qaraqaya”, “Baku Fires” və “AZERRAIL” mübarizə aparacaq.

Reqlamentə əsasən qadınlar dairəvi, kişilər isə olimpiya sistem üzrə yarışacaqlar. Turnirin ilk günündə qadınlar arasında 7, kişilər arasında isə 2 oyun baş tutacaq.
Yarışa yanvarın 25-də yekun vurulacaq. Oyunlardan sonra qaliblərin mükafatlandırma mərasimi olacaq.

Oyun proqramı
24 yanvar
Qadınlar
10:00. “AZERRAIL” – “Milli-2”
10:20. “Milli” – “Qaraqaya”
10:40. “Qaraqaya” – “Gəncə”
11:00. “Milli-2” – “Milli”
11:20. “Milli” – “AZERRAIL”
11:40. “Gəncə” – “Milli-2”
12:00. “Qaraqaya” – “AZERRAIL”

Kişilər
15:00. “Qaraqaya” – “Gənclər”
15:30. “AZERRAIL” – “Bakı Fires”

Bu gün qadın voleybolçuların Yüksək Liqasında X tura yekun vurulub. Tur çərçivəsində “Murov Az Terminal” və “Gənclər”, “Milli Aviasiya Akademiyası” və UNEC komandaları üz-üzə gəliblər. Hər iki oyunda qalib 3 setdə müəyyən olunub. “Murov Az Terminal” 3:0,  “Milli Aviasiya Akademiyası” isə 3:1 hesabı ilə matçı qalib başa vurublar.

23 yanvar
Yüksək Liqa (qadınlar)
X tur
“Murov Az Terminal” – “Gənclər” 3:0 (25:19, 25:15, 25:20)
“Murov Az Terminal” VK-nın idman zalı

“Milli Aviasiya Akademiyası” – UNEC 3:1 (23:25, 25:19, 25:14, 25:11)
“Milli Aviasiya Akademiyası” VK-nın idman zalı

YÜKSƏK LİQA (kişilər)

Turnir cədvəli

Bu gün Yüksək Liqa yarışlarında növbəti oyunlar keçirilib. AVF-nin idman zalında qadın voleybolçular arasında Yüksək Liqanın X turuna start verilib. Tur çərçivəsində “AZERRAIL” – “Gəncə” və “Abşeron” – “DH Volley” komandaları üz-üzə gəliblər.
Qadınların yarışında günün qalibləri “Gəncə” (3:1) və “DH Volley” (3:0 komandaları olub.
Kişilərin Yüksək Liqasında isə X turun son oyunu keçirilib. FHN-nin idman zalında baş tutan qarşılaşmada “Neftçi” komandası “AZERRAIL”lə üz-üzə gəlib və oyunu 3:0 hesabı ilə qazanıb.

Yüksək Liqa (kişilər)
X tur
“Neftçi” – “AZERRAIL” 3:0 (25:23, 25:15, 25:20)
 FHN-nin idman zalı

Yüksək Liqa (qadınlar)
X tur
“AZERRAIL” – “Gəncə” 1:3 (19:25, 25:21, 19:25, 23:25)
“Abşeron” – “DH Volley” 0:3 (20:25, 21:25, 11:25)
AVF-nin idman zalı

Bu gün qadın voleybolçuların Yüksək Liqasında X tura start verilir: geridə qalan IX turun nəticələri

Bu gün kişi voleybolçuların Yüksək Liqasında X tura start verilib. Oyunlar FHN-nin idman zalında keçirilib. İlk olaraq “ORDU” və “Gənclər”, ardınca isə “Murov Az Terminal” və “Xilasedici” komandaları üz-üzə gəliblər. Qarşılaşmalarda “ORDU” və “Xilasedici” komandaları rəqiblərini 3:0 hesabı ilə məğlub ediblər.

Qeyd edək ki, turun son oyunu sabah “Neftçi” və “AZERRAIL” komandaları arasında keçiriləcək.

 21 yanvar
Yüksək Liqa (kişilər)
X tur
“ORDU” – “Gənclər” 3:0 (25:15, 25:18, 25:16)
“Murov Az Terminal” – “Xilasedici” 0:3 (20:25, 20:25, 19:25)

Qar voleybolu üzrə qadınlar və kişilər arasında Ölkə Kuboku keçiriləcək. Yarış 24–25 yanvar tarixlərində Şahdağ Turizm Mərkəzində təşkil olunacaq.

Turnirdə qadınlar arasında 5 komanda — “Gəncə”, “AZERRAIL”, “Milli”, “Milli-2”, “Qaraqaya”, kişilər arasında isə 4 komanda — “Gənclər”, “Qaraqaya”, “Baku Fires”, “AZERRAIL” iştirak edəcək.

Oyunlar dairəvi sistem üzrə keçiriləcək. Turnirin yekununda mükafatçılar turnir cədvəlində komandaların tutduqları yerlərə əsasən müəyyənləşdiriləcək.

Qeyd edək ki, qar voleybolu üzrə ölkə çempionatı Azərbaycanda ilk dəfə ötən ilin yanvar ayında keçirilib.

Bu gün qadın voleybolçuların Yüksək Liqasında təxirə salınmış oyun keçirilib. VIII turun “Gənclər” və “Abşeron” komandaları arasında keçirilən qarşılaşma AVF-nin idman zalında təşkil olunub. Görüşdə üstün oyun nümayiş etdirən “Abşeron” komandası rəqibini üç setdə məğlub edib.

 Yüksək Liqa (qadınlar)

 VIII tur (təxirə salınan oyun)

“Gənclər” - “Abşeron” 0:3 (17:25, 16:25, 13:25)

Azərbaycan Voleybol Federasiyası (AVF) yeniyetmə və gənc voleybolçular arasında seleksiya prosesini davam etdirir.

“Seçim günü” çərçivəsində növbəti seçimlər yanvarın 17-də Sumqayıt şəhərində keçirilib. Yeniyetmə və gənc qızlardan ibarət milli komandaların rəhbəri Şahin Çatma Sumqayıt və Şərqi Zəngəzur Regional Voleybol Klublarında məşq edən 2012–2013-cü il təvəllüdlü qız voleybolçuların hazırlıq səviyyəsi ilə tanış olub.

Seçim mərhələsini uğurla keçən idmançılar yeniyetmələrdən ibarət milli komandaya cəlb olunacaqlar. Növbəti “Seçim günü” yanvarın 24-də Gəncədə keçiriləcək.

Bu gün Yüksək Liqa yarışlarında növbəti qarşılaşmalar keçirilib.

16 yanvar
Yüksək Liqa (kişilər)
VIII tur (təxirə salınan oyun)
“AZERRAIL” - “Xilasedici” 0:3 (27:29, 22:25, 22:25)
FHN-nin idman zalı

Yüksək Liqa (qadınlar)
IX tur
“Murov Az Terminal” - “Turan” 0:3 (18:25, 14:25, 19:25)
“Murov Az Terminal” VK-nın idman zalı
“Milli Aviasiya Akademiyası” - “DH Volley” 0:3 (23:25, 17:25, 21:25) 
“Milli Aviasiya Akademiyası” VK-nın idman zalı

Bu gün qadın voleybolçuların Yüksək Liqasında IX tura start verilib. Turun ilk qarşılaşması “AZERRAIL” və “Gənclər” komandaları arasında baş tutub. Oyun “AZERRAIL” komandasının 3:1 hesablı qələbəsi ilə yekunlaşıb.
Turun və günün ikinci oyununda isə “Abşeron” və “Gəncə” komandaları üz-üzə gəlib. Gərgin keçən oyunda rəqibindən üstün olan “Abşeron” komandası 3:2 hesabı ilə matçın qalibi gəlib.
Qeyd edək ki, hər iki oyun AVF-nin idman zalında təşkil olunub.
 15 yanvar
 Yüksək Liqa (qadınlar)
 IX tur
“AZERRAIL” - “Gənclər” 3:1 (20:25, 25:20, 25:13, 25:19)
“Abşeron” - “Gəncə” 3:2 (23:25, 25:17, 21:25, 25:22, 15:13)

Beynəlxalq dərəcəli hakim Eldar Zülfüqarov Çempionlar Liqasının oyununda baş hakim olacaq.

Avropa Voleybol Konfederasiyası tərəfindən təyinat alan Eldar Zülfüqarov bu gün Türkiyədə keçiriləcək qadın voleybolçular arasında Çempionlar Liqasının qrup mərhələsinin “Eczacıbaşı İstanbul” (Türkiyə) və “Olympiacos Piraeus” (Yunanıstan) klubları arasında baş tutacaq qarşılaşmasında baş hakim olacaq. Matçın ikinci hakimi vəzifəsini isə polşalı Wojciech Maroszek icra edəcək.

Bu gün Azərbaycan Voleybol Federasiyası (AVF) Regional Voleybol Klublarının (RVK) nümayəndələri ilə görüş keçirib.

GİN-in Voleybol Mərkəzində təşkil olunan görüşdə AVF-nin idman şöbəsinin direktoru Şir-Aslan Kərimov, kommunikasiya şöbəsinin rəhbəri Zöhrab Gözəlbəyli, beynəlxalq dərəcəli hakim Zaur Hacıyev, eləcə də AVF və RVK nümayəndələri iştirak ediblər.

Şir-Aslan Kərimov iştirakçıları salamayıb və qısa müddət ərzində RVK-lar tərəfindən həyata keçirilmiş uğurlu layihələrə və görülən işlərə toxunub, federasiyanın klubların inkişafını dəstəkləməyə davam edəcəyini vurğulayıb.

Görüşün əsas məqsədi həm görülən işləri qiymətləndirmək, həm də gələcək fəaliyyət planlarını müəyyənləşdirmək olub. RVK nümayəndələri öz layihələri haqqında məlumat verib, təkliflərini səsləndiriblər. Fikir mübadiləsi zamanı qarşılıqlı əməkdaşlıq imkanları və klubların inkişaf perspektivləri müzakirə olunub.

Kişi voleybolçuların Yüksək Liqasında IX turun son oyunu keçirilib.

Bu gün “Gənclər” komandası Abşeron OİK-də “Murov Az Terminal”la üz-üzə gəlib. Hər üç setdə üstün olan “Murov Az Terminal” oyunun qalibi olub (3:0).

 14 yanvar

 Yüksək Liqa (kişilər)

 IX tur

“Gənclər” - “Murov Az Terminal” 0:3 (16:25, 20:25, 24:26)

Azərbaycan Voleybol Federasiyası (AVF) yeniyetmə və gənc voleybolçuların seleksiya prosesinə yenidən start verib.

“Seçim günü” çərçivəsində ilk mərhələ yanvarın 13-də Bakı şəhərində təşkil olunub. Yeniyetmə və gənc qızlardan ibarət milli komandaların rəhbəri Şahin Çatma Bakı Regional Voleybol Klubunda məşq edən 2012–2013-cü il təvəllüdlü, 100-ə yaxın qız voleybolçunun hazırlıq səviyyəsi ilə yaxından tanış olub.

Seçim prosesi zamanı idmançılar müəyyən olunmuş normativlər üzrə sınaqlardan keçirilib, məşqçilər heyəti tərəfindən onların fiziki və texniki göstəriciləri qeydə alınıb. Seçim mərhələsini uğurla keçən idmançılar yeniyetmələrdən ibarət milli komandanın heyətinə cəlb olunacaqlar.

Növbəti “Seçim günü” yanvarın 17-də Sumqayıt şəhərində, Şərqi Zəngəzur Regional Voleybol Klubu və Sumqayıt Regional Voleybol Klubunun bazasında keçiriləcək.

İştirak edən bütün idmançılara uğurlar arzulayırıq.

Azərbaycanlı hakim Kəmalə Əsgərova Avropa Voleybol Konfederasiyası tərəfindən təyinat alıb.

K. Əsgərova qadın voleybolçuların Çelenc Kubokunun 1/8 final mərhələsində Serbiyanın “Crvena Zvezda Beograd” və Danimarkanın “Holte IF” komandaları arasında keçiriləcək qarşılaşmada ikinci hakim olacaq. Matçın baş hakimi vəzifəsini xorvatiyalı Ana Stipanicev yerinə yetirəcək.

Qeyd edək ki, oyun yanvarın 15-də Serbiyada keçiriləcək.