Bu gün Yüksək Liqa yarışlarında növbəti oyunlar keçirilib. AVF-nin idman zalında qadın voleybolçular arasında Yüksək Liqanın X turuna start verilib. Tur çərçivəsində “AZERRAIL” – “Gəncə” və “Abşeron” – “DH Volley” komandaları üz-üzə gəliblər.
Qadınların yarışında günün qalibləri “Gəncə” (3:1) və “DH Volley” (3:0 komandaları olub.
Kişilərin Yüksək Liqasında isə X turun son oyunu keçirilib. FHN-nin idman zalında baş tutan qarşılaşmada “Neftçi” komandası “AZERRAIL”lə üz-üzə gəlib və oyunu 3:0 hesabı ilə qazanıb.

Yüksək Liqa (kişilər)
X tur
“Neftçi” – “AZERRAIL” 3:0 (25:23, 25:15, 25:20)
 FHN-nin idman zalı

Yüksək Liqa (qadınlar)
X tur
“AZERRAIL” – “Gəncə” 1:3 (19:25, 25:21, 19:25, 23:25)
“Abşeron” – “DH Volley” 0:3 (20:25, 21:25, 11:25)
AVF-nin idman zalı

 

Bu gün qadın voleybolçuların Yüksək Liqasında X tura start verilir: geridə qalan IX turun nəticələri

Bu gün kişi voleybolçuların Yüksək Liqasında X tura start verilib. Oyunlar FHN-nin idman zalında keçirilib. İlk olaraq “ORDU” və “Gənclər”, ardınca isə “Murov Az Terminal” və “Xilasedici” komandaları üz-üzə gəliblər. Qarşılaşmalarda “ORDU” və “Xilasedici” komandaları rəqiblərini 3:0 hesabı ilə məğlub ediblər.

Qeyd edək ki, turun son oyunu sabah “Neftçi” və “AZERRAIL” komandaları arasında keçiriləcək.

 21 yanvar
Yüksək Liqa (kişilər)
X tur
“ORDU” – “Gənclər” 3:0 (25:15, 25:18, 25:16)
“Murov Az Terminal” – “Xilasedici” 0:3 (20:25, 20:25, 19:25)

Qar voleybolu üzrə qadınlar və kişilər arasında Ölkə Kuboku keçiriləcək. Yarış 24–25 yanvar tarixlərində Şahdağ Turizm Mərkəzində təşkil olunacaq.

Turnirdə qadınlar arasında 5 komanda — “Gəncə”, “AZERRAIL”, “Milli”, “Milli-2”, “Qaraqaya”, kişilər arasında isə 4 komanda — “Gənclər”, “Qaraqaya”, “Baku Fires”, “AZERRAIL” iştirak edəcək.

Oyunlar dairəvi sistem üzrə keçiriləcək. Turnirin yekununda mükafatçılar turnir cədvəlində komandaların tutduqları yerlərə əsasən müəyyənləşdiriləcək.

Qeyd edək ki, qar voleybolu üzrə ölkə çempionatı Azərbaycanda ilk dəfə ötən ilin yanvar ayında keçirilib.

Bu gün qadın voleybolçuların Yüksək Liqasında təxirə salınmış oyun keçirilib. VIII turun “Gənclər” və “Abşeron” komandaları arasında keçirilən qarşılaşma AVF-nin idman zalında təşkil olunub. Görüşdə üstün oyun nümayiş etdirən “Abşeron” komandası rəqibini üç setdə məğlub edib.

 Yüksək Liqa (qadınlar)

 VIII tur (təxirə salınan oyun)

“Gənclər” - “Abşeron” 0:3 (17:25, 16:25, 13:25)

Azərbaycan Voleybol Federasiyası (AVF) yeniyetmə və gənc voleybolçular arasında seleksiya prosesini davam etdirir.

“Seçim günü” çərçivəsində növbəti seçimlər yanvarın 17-də Sumqayıt şəhərində keçirilib. Yeniyetmə və gənc qızlardan ibarət milli komandaların rəhbəri Şahin Çatma Sumqayıt və Şərqi Zəngəzur Regional Voleybol Klublarında məşq edən 2012–2013-cü il təvəllüdlü qız voleybolçuların hazırlıq səviyyəsi ilə tanış olub.

Seçim mərhələsini uğurla keçən idmançılar yeniyetmələrdən ibarət milli komandaya cəlb olunacaqlar. Növbəti “Seçim günü” yanvarın 24-də Gəncədə keçiriləcək.

Bu gün Yüksək Liqa yarışlarında növbəti qarşılaşmalar keçirilib.

16 yanvar
Yüksək Liqa (kişilər)
VIII tur (təxirə salınan oyun)
“AZERRAIL” - “Xilasedici” 0:3 (27:29, 22:25, 22:25)
FHN-nin idman zalı

Yüksək Liqa (qadınlar)
IX tur
“Murov Az Terminal” - “Turan” 0:3 (18:25, 14:25, 19:25)
“Murov Az Terminal” VK-nın idman zalı
“Milli Aviasiya Akademiyası” - “DH Volley” 0:3 (23:25, 17:25, 21:25) 
“Milli Aviasiya Akademiyası” VK-nın idman zalı

Bu gün qadın voleybolçuların Yüksək Liqasında IX tura start verilib. Turun ilk qarşılaşması “AZERRAIL” və “Gənclər” komandaları arasında baş tutub. Oyun “AZERRAIL” komandasının 3:1 hesablı qələbəsi ilə yekunlaşıb.
Turun və günün ikinci oyununda isə “Abşeron” və “Gəncə” komandaları üz-üzə gəlib. Gərgin keçən oyunda rəqibindən üstün olan “Abşeron” komandası 3:2 hesabı ilə matçın qalibi gəlib.
Qeyd edək ki, hər iki oyun AVF-nin idman zalında təşkil olunub.
 15 yanvar
 Yüksək Liqa (qadınlar)
 IX tur
“AZERRAIL” - “Gənclər” 3:1 (20:25, 25:20, 25:13, 25:19)
“Abşeron” - “Gəncə” 3:2 (23:25, 25:17, 21:25, 25:22, 15:13)

Beynəlxalq dərəcəli hakim Eldar Zülfüqarov Çempionlar Liqasının oyununda baş hakim olacaq.

Avropa Voleybol Konfederasiyası tərəfindən təyinat alan Eldar Zülfüqarov bu gün Türkiyədə keçiriləcək qadın voleybolçular arasında Çempionlar Liqasının qrup mərhələsinin “Eczacıbaşı İstanbul” (Türkiyə) və “Olympiacos Piraeus” (Yunanıstan) klubları arasında baş tutacaq qarşılaşmasında baş hakim olacaq. Matçın ikinci hakimi vəzifəsini isə polşalı Wojciech Maroszek icra edəcək.

Bu gün Azərbaycan Voleybol Federasiyası (AVF) Regional Voleybol Klublarının (RVK) nümayəndələri ilə görüş keçirib.

GİN-in Voleybol Mərkəzində təşkil olunan görüşdə AVF-nin idman şöbəsinin direktoru Şir-Aslan Kərimov, kommunikasiya şöbəsinin rəhbəri Zöhrab Gözəlbəyli, beynəlxalq dərəcəli hakim Zaur Hacıyev, eləcə də AVF və RVK nümayəndələri iştirak ediblər.

Şir-Aslan Kərimov iştirakçıları salamayıb və qısa müddət ərzində RVK-lar tərəfindən həyata keçirilmiş uğurlu layihələrə və görülən işlərə toxunub, federasiyanın klubların inkişafını dəstəkləməyə davam edəcəyini vurğulayıb.

Görüşün əsas məqsədi həm görülən işləri qiymətləndirmək, həm də gələcək fəaliyyət planlarını müəyyənləşdirmək olub. RVK nümayəndələri öz layihələri haqqında məlumat verib, təkliflərini səsləndiriblər. Fikir mübadiləsi zamanı qarşılıqlı əməkdaşlıq imkanları və klubların inkişaf perspektivləri müzakirə olunub.

Kişi voleybolçuların Yüksək Liqasında IX turun son oyunu keçirilib.

Bu gün “Gənclər” komandası Abşeron OİK-də “Murov Az Terminal”la üz-üzə gəlib. Hər üç setdə üstün olan “Murov Az Terminal” oyunun qalibi olub (3:0).

 14 yanvar

 Yüksək Liqa (kişilər)

 IX tur

“Gənclər” - “Murov Az Terminal” 0:3 (16:25, 20:25, 24:26)

Azərbaycan Voleybol Federasiyası (AVF) yeniyetmə və gənc voleybolçuların seleksiya prosesinə yenidən start verib.

“Seçim günü” çərçivəsində ilk mərhələ yanvarın 13-də Bakı şəhərində təşkil olunub. Yeniyetmə və gənc qızlardan ibarət milli komandaların rəhbəri Şahin Çatma Bakı Regional Voleybol Klubunda məşq edən 2012–2013-cü il təvəllüdlü, 100-ə yaxın qız voleybolçunun hazırlıq səviyyəsi ilə yaxından tanış olub.

Seçim prosesi zamanı idmançılar müəyyən olunmuş normativlər üzrə sınaqlardan keçirilib, məşqçilər heyəti tərəfindən onların fiziki və texniki göstəriciləri qeydə alınıb. Seçim mərhələsini uğurla keçən idmançılar yeniyetmələrdən ibarət milli komandanın heyətinə cəlb olunacaqlar.

Növbəti “Seçim günü” yanvarın 17-də Sumqayıt şəhərində, Şərqi Zəngəzur Regional Voleybol Klubu və Sumqayıt Regional Voleybol Klubunun bazasında keçiriləcək.

İştirak edən bütün idmançılara uğurlar arzulayırıq.

Azərbaycanlı hakim Kəmalə Əsgərova Avropa Voleybol Konfederasiyası tərəfindən təyinat alıb.

K. Əsgərova qadın voleybolçuların Çelenc Kubokunun 1/8 final mərhələsində Serbiyanın “Crvena Zvezda Beograd” və Danimarkanın “Holte IF” komandaları arasında keçiriləcək qarşılaşmada ikinci hakim olacaq. Matçın baş hakimi vəzifəsini xorvatiyalı Ana Stipanicev yerinə yetirəcək.

Qeyd edək ki, oyun yanvarın 15-də Serbiyada keçiriləcək.

Bu gün kişi voleybolçuların Yüksək Liqasında IX turun növbəti oyunu keçirilib. FHN-in idman zalında “Xilasedici” və “Neftçi” komandaları üz-üzə gəlib. Maraqlı və gərgin mübarizə şəraitində keçən oyunda qalib tay-brekdə müəyyənləşib. Rəqibini 3:2 hesabı ilə məğlub edən “Neftçi” 7 qələbə və 20 xalla turnir cədvəlində liderliyini möhkəmləndirib.

“Xilasedici” komandası isə 5 qələbə və 16 xalla 3-cü pillədə qərarlaşıb.

Qeyd edək ki, turun daha bir qarşılaşması sabah “Gənclər” və “Murov Az Terminal” komandaları arasında keçiriləcək.

13 yanvar

Yüksək Liqa (kişilər)

 IX tur

“Xilasedici” - “Neftçi” 2:3 (25:22, 25:17, 22:25, 23:25, 15:17)

Bu gün Yüksək Liqa yarışlarında növbəti qarşılaşmalar keçirilib.
Qadınların Yüksək Liqasında II və VII turlardan təxirə salınmış oyunlar, kişilərin yarışında isə IX turun qarşılaşması baş tutub.
12 yanvar
Yüksək Liqa (qadınlar)
VII tur (təxirə salınan oyun) 
“Milli Aviasiya Akademiyası” - “Gənclər” 3:0 (25:18, 25:14, 25:12)
“Milli Aviasiya Akademiyası” VK-nın idman zalı

Yüksək Liqa (qadınlar)
II tur (təxirə salınan oyun) 
UNEC - “Abşeron” 3:0 (25:15, 15:18, 25:14)
UNEC VK-nın idman zalı

Yüksək Liqa (kişilər)
IX tur
“AZERRAIL” - “ORDU” 1:3 (16:25, 23:25, 25:16, 22:25)
FHN-nin idman zalı

Qadın və kişi voleybolçularının Yüksək Liqalarında oyun cədvəli 

 12 yanvar

 Yüksək Liqa (qadınlar)

 VII tur (təxirə salınan oyun)

 17:00. “Milli Aviasiya Akademiyası” - “Gənclər”

 “Milli Aviasiya Akademiyası” VK-nın idman zalı

 II tur (təxirə salınan oyun)

 17:00. UNEC - “Abşeron”

 UNEC VK-nın idman zalı

 12 yanvar

 Yüksək Liqa (kişilər)

 IX tur

 17:00. “AZERRAIL” - “ORDU”

 FHN-nin idman zalı

 13 yanvar

 Yüksək Liqa (kişilər)

 IX tur

 17:00. “Xilasedici” - “Neftçi”

 FHN-nin idman zalı

 14 yanvar

 Yüksək Liqa (kişilər)

 IX tur

 17:00. “Gənclər” - “Murov Az Terminal”

 Abşeron OİK

 15 yanvar

 Yüksək Liqa (qadınlar)

 IX tur

 16:00. “AZERRAIL” - “Gənclər”

 18:00. “Abşeron” - “Gəncə”

 AVF-nin idman zalı

 16 yanvar

 Yüksək Liqa (qadınlar)

 IX tur

 17:00. “Milli Aviasiya Akademiyası” - “DH Volley”

 “Milli Aviasiya Akademiyası” VK-nın idman zalı

 17:00. “Murov Az Terminal” - “Turan”

 “Murov Az Terminal” VK-nın idman zalı

 16 yanvar

 Yüksək Liqa (kişilər)

 VIII tur (təxirə salınan oyun)

 17:00. “AZERRAIL” - “Xilasedici”

 FHN-nin idman zalı

 18 yanvar

 Yüksək Liqa (qadınlar)

 VIII tur (təxirə salınan oyun)

 17:00. “Gənclər” - “Abşeron”

 AVF-nin idman zalı

Azərbaycan Voleybol Federasiyası (AVF) yeniyetmə və gənc voleybolçuların seçiminə yenidən start verir.

Bu məqsədlə Bakı və bölgələrdə fəaliyyət göstərən Regional Voleybol Klublarında “Seçim günü” keçiriləcək.

Yeniyetmə və gənc qızlardan ibarət milli komandaların rəhbəri Şahin Çatma tərəfindən aparılacaq seçimlərdə fərqlənən voleybolçular yeniyetmə və gənc milli komandalara cəlb olunacaqlar. Seçimlər 2012 və 2013-cü il təvəllüdlü qızlar arasında olacaq.

Seçimlər yanvarda aşağıdakı Regional Voleybol Klublarında təşkil olunacaq:

 13 yanvar, Bakı RVK (Bakı şəhəri) – saat 15:00

 17 yanvar, Şərqi Zəngəzur RVK (Sumqayıt şəhəri) – saat 12:00

 17 yanvar, Sumqayıt RVK (Sumqayıt şəhəri) – saat 14:00

 24 yanvar, Gəncə RVK (Gəncə şəhəri) – saat 14:00

 25 yanvar, Tovuz RVK (Tovuz rayonu) – saat 14:00

 31 yanvar, Oğuz RVK (Şəki şəhəri) – saat 14:00

Qeyd edək ki, daha sonra Naxçıvan şəhərində də seçimlər təşkil olunacaq və bu barədə əlavə məlumat veriləcək.

İdmançılara uğurlar arzulayırıq!

Bu gün qadın və kişi voleybolçuların Yüksək Liqalarında növbəti oyunlar keçirilib.

Qadınların Yüksək Liqasında VIII tur çərçivəsində “Gəncə” və “Milli Aviasiya Akademiyası” komandaları üz-üzə gəlib. Gəncə İdman Sarayında keçirilən qarşılaşmada “Milli Aviasiya Akademiyası” rəqibinə 3:2 hesabı ilə qalib gəlib.
Kişilərin yarışında isə II turundan təxirə salınmış “AZERRAIL” və “Gənclər” qarşılaşması olub. FHN-nin idman zalında baş tutub oyunda qalib 3 setdə müəyyən olunub. “AZERRAIL” 3:0 hesabı oyunun qalibi olub. 
Yüksək Liqa (qadınlar)
9 yanvar 
VIII tur
“Gəncə” - “Milli Aviasiya Akademiyası” 2:3 (25:20, 25:22, 19:25, 15:25, 9:15)