Avropa Voleybol Konfederasiyası (CEV) tərəfindən Azərbaycan Voleybol Federasiyasının Kommunikasiya şöbəsinin Beynəlxalq əlaqələr üzrə mütəxəssisi Mixail Frişmana növbəti dəfə etimad göstərilib.
M. Frişman qadın voleybolçular arasında CEV kubokunun yarımfinal mərhələsində “THY ISTANBUL” (TUR) və “Igor Gorgonzola NOVARA” (ITA) komandalarının cavab qarşılaşmasında hakimlərin işinə qiymət verəcək. Bu gün İstanbulda keçiriləcək oyunun hakimləri serbiyalı Darko Savic və ispaniyalı Gloria Souto Jimenez olacaq.
Qeyd edək ki, komandalar arasında baş tutan ilk matçda İtaliya təmsilçisi 3:0 hesabı ilə qalib gəlib.
 

“AZERRAIL” VK-nın hücumçusu Roman Merkuşov

“İlk növbədə komandamı çətin qələbə münasibətiylə təbrik edirəm. Oyun ərzində çoxlu səhvlər etdik. Görüşü ümumi setlərdə 2:0 hesabı ilə davam etdirib bitirə də bilərdik, amma sadə vəziyyətlərdə etdiyimiz səhvlər qarşılaşmanın uzanmasına səbəb oldu.

Lakin istənilən halda yaxşı hazırlıq və rəqibin oyununu əvvəldən təhlil etməyimiz, fiziki baxımdan sona qədər mübarizə aparmağımız sayəsində biz qalib gəldik. Bir daha hər kəsi təbrik edirəm. Çox sağ olun”.

Kişi voleybolçular arasında Yüksək Liqada XV turun oyunları keçirilib.

Bu gün XV tur çərçivəsində Sumqayıt OİK-də “Gənclər” MOİK-lə, FHN-nin idman zalında “Xilasedici” komandası “Neftçi”lə, GİN-nin Voleybol Mərkəzində isə “AZERRAIL” “Murov Az Terminal” klubu ilə üz-üzə gəlib.

Oyunların nəticələri
Yüksək Liqa
12 mart
XV tur
“Gənclər” - MOİK 1:3 (22:25, 25:22, 21:25, 18:25)
“Xilasedici” - “Neftçi” 2:3 (25:27, 23:25, 25:23, 26:24, 13:15)
“AZERRAIL” - “Murov Az Terminal” 3:2 (27:25, 24:26, 19:25, 25:21, 15:10)

Qadın voleybolçular arasında Yüksək Liqada XV turun oyunları keçirilib.

Bu gün GİN-nin Voleybol Mərkəzində ilk olaraq “Murov Az Terminal” və “Abşeron” komandaları qarşılaşıblar. Oyun “Abşeron”nun 3:0 hesablı qələbəsi ilə başa çatıb.

Eyni məkanda baş tutan ikinci oyunda “Gəncə” klubu “AZERRAIL”in qonağı olub. Meydan sahibi rəqibini 3:0 hesabı ilə məğlub edib.

UNEC VK-nın idman zalında təşkil olunan görüşdə isə “Milli Aviasiya Akademiyası” klubu UNEC üzərində 3:0 hesabı ilə qələbə qazanıb.

Oyunların nəticələri

Yüksək Liqa

11 mart

XV tur

“Murov Az Terminal” - “Abşeron” 0:3 (18:25, 18:25, 25:27)

“AZERRAIL” - “Gəncə” 3:0 (31:29, 25:16, 25:19)

UNEC - “Milli Aviasiya Akademiyası” 0:3 (7:25, 9:25, 16:25)

Macarıstan kubokunun qalibi, millimizin kapitanı Ayşən Abduləzimova

“Təbriklər üçün hər kəsə təşəkkür edirəm. Mən 5-ci dəfə Macarıstan kubokunun qalibi oldum. Buna görə çox sevincliyəm. Final oyunu gərgin alındı, buna baxmayaraq, 3:1 qalib gəldik. Komandamızı təbrik edirəm.
Ümumiyyətlə, mövsüm bizim üçün çox sıx qrafiklə davam edir. Kubok başa çatsa da Macarıstan liqasında və avrokubokda mübarizəmiz davam edir. Hazırda bütün fikirlərimiz avrokubokdadır. Bilirsiniz ki, sabah çox vacib oyunumuz olacaq. CEV kubokunun yarımfinalında cavab qarşılaşmasına çıxacağıq. Bütün oyunçular, məşqçilər heyəti, hamımız sabahkı oyuna köklənmişik”.

Avropa Qızıl və Gümüş liqalarında iştirak edəcək voleybol üzrə qadınlardan və kişilərdən ibarət milli komandalarımızın oyun təqvimləri bəlli olub.
Reqlamentə əsəsən hər iki yarış üç turdan ibarət olacaq. Bütün turların nəticələri bir turnir cədvəlində toplanacaq. Yekunda ilk 4 yeri tutacaq yığmalar “Dördlər finalı”na yüksələcəklər. Qadınların yarışında 12 ölkənin milli komandası, kişilərin mübarizəsində isə 8 ölkənin millisi iştirak edəcək.
Avropa Qızıl Liqasında çıxış edəcək qadınlardan ibarət milli komandamızın rəqibləri Macarıstan, Sloveniya, Slovakiya, Monteneqro, Rumıniya və Xorvatiya yığmaları olacaq.
Avropa Gümüş Liqasında çıxış edəcək kişilərdən ibarət milli komandamız isə Gürcüstan, İsveç, Macarıstan, Lüksemburq, Avstriya və Farer adaları komandalarına qarşı mübarizə aparacaq.
Qeyd edək ki, qadınların Qızıl Liqasının ilk turu, kişilərin Gümüş Liqasının isə 2-ci turu Bakıda baş tutacaq.

Komandalarımızın oyunlarının təqvimi:
Avropa Qızıl Liqası (qadınlar)
I TURNİR (AZƏRBAYCAN)
30.05.2025
18:00 Macarıstan - Azərbaycan  
31.05.2025
18:00 Sloveniya – Macarıstan  
01.06.2025
18:00 Azərbaycan – Sloveniya
Oyunlar GİN-nin Voleybol Mərkəzində keçiriləcək.
 
II TURNİR (SLOVAKİYA)
06.06.2025
20:00 Azərbaycan – Slovakiya
07.06.2025
18:00 Monteneqro – Azərbaycan
08.06.2025
18:00 Slovakiya – Monteneqro
 
III TURNİR (XORVATİYA)
13.06.2025
16:30 Azərbaycan - Xorvatiya
14.06.2025
16:30 Rumıniya - Azərbaycan
15.06.2025
16:30 Xorvatiya – Rumıniya
 
Avropa Gümüş Liqası (kişilər)
I TURNİR (İSVEÇ)
06.06.2025
17:00 Azərbaycan - İsveç
07.06.2025
17:00 Gürcüstan - Azərbaycan
08.06.2025
17:00 İsveç – Gürcüstan
 
II TURNİR (AZƏRBAYCAN)
13.06.2025
18:00 Lüksemburq - Azərbaycan
14.06.2025
18:00 Macarıstan – Lüksemburq
15.06.2025
18:00 Azərbaycan - Macarıstan
 
III TURNİR (FARER ADALARI)
20.06.2025
19:00 Azərbaycan - Farer adaları
21.06.2025
17:00 Avstriya – Azərbaycan
22.06.2025
17:00 Farer adaları – Avstriya

Oyunların keçirilmə saatı yerli vaxtla göstərilib.

Voleybol statistləri üçün kurs keçiriləcək.

Azərbaycan Voleybol Federasiyası tərəfindən voleybol məşqçilərinin statistika tərtibi istiqamətində bilik və bacarıqlarının artırılması məqsədilə kurs təşkil olunacaq.

3 mərhələdən ibarət olacaq kurs AVF-nin Təlim və aşağı yaş qruplarının rəhbəri Doc.Dr.Cengiz Akarçeşme və statistika üzrə təlimatçı Faruk Kaymak tərəfindən aparılacaq.

Kursun yekununda iştirakçılar imtahan verəcəklər, imtahandan keçən mütəxəssislərə sertifikatlar təqdim olunacaq.

Kursda iştirak etmək və federasiyanın sertifikatını almaq istəyən şəxslər aşağıda qeyd olunan əlaqə nömrəsinə zəng edərək və ya email ünvanına yazaraq qeydiyyatdan keçə bilərlər. Kursun keçirilmə yeri və vaxtı haqqında məlumat veriləcək.

Əlaqə telefonu: +994103151283

Email: education.avf@gmail.com

Bu gün Azərbaycan Voleybol Federasiyasının (AVF) prezidenti Şahin Bağırov III MDB Oyunlarında mübarizə aparacaq qızlardan və oğlanlardan ibarət yığma komandalarımızla görüşüb. Azərbaycan Voleybol Federasiyadında təşkil olunan görüşdə AVF rəsmiləri, komandaların oyunçuları, məşqçilər heyəti və digər əməkdaşlar iştirak ediblər.
Çıxış edən Ş.Bağırov ilk olaraq qızlardan ibarət yığmamızın oyunçularını Beynəlxalq Qadınlar Günü münasibətilə təbrik edib. Bildirib ki, ölkə idmanı tarixində qadın idmançıların əvəzsiz xidmətləri var. Qeyd edib ki, Azərbaycan voleybolunun Avropa və dünya miqyasında əldə etdiyi nailiyyətlərin əksəriyyəti də məhz qadın voleybolçularımızın adı ilə bağlıdır. AVF rəhbəri, həmçinin qadınlardan ibarət əsas millimizin voleybolçularını, ölkə çempionatında çıxış edən yerli və xarici qadın oyunçuları, veteran voleybolçularımızı və federasiyanın xanım əməkdaşlarını 8 mart münasibətilə təbrik edib.
Sonra ölkəmizdə keçiriləcək III MDB Oyunlarından danışan Ş.Bağırov belə mötəbər yarışda voleybolun da yer almasını bu idman növünün populyarlığının, ona marağın yüksək olmasının göstəricisi kimi dəyərləndirib. Ölkəmizdə voleybolun böyük ənənələrinin olduğunu deyən federasiya rəhbəri hər iki komandamızın yarışda uğurlu çıxış edəcəyinə inamını ifadə edib.
Daha sonra komandaların hazırlıq prosesi ilə tanış olan Ş.Bağırov hər iki komandada çıxış edən idmançıların valideynləri ilə də görüşüb. Federasiya prezidenti valideynlərə övladlarına dəstək olduqlarına görə təşəkkürünü bildirib və komandalarımıza uğurlar arzulayıb.
Qeyd edək ki, III MDB Oyunları 28 sentyabr - 8 oktyabr tarixlərində “2025-ci ildə Müstəqil Dövlətlər Birliyinin idman paytaxtı” olan Gəncə şəhərində, eləcə də Mingəçevir, Qəbələ, Şəki, Göygöl, Yevlax və Xankəndidə 23 idman növü üzrə keçiriləcək. Voleybol oyunları Gəncədə təşkil olunacaq.

Yüksək Liqa yarışlarında növbəti turun oyunları keçiriləcək

Yüksək Liqa (qadınlar)
11 mart
XV tur
16:00. UNEC - Milli Aviasiya Akademiyası
Ünvan: UNEC VK-nın idman zalı
AVF-nin rəsmi Youtube kanalında canlı yayımlanacaq.
16:00. “Murov Az Terminal” - “Abşeron”
18:00. “AZERRAIL” - “Gəncə”

Ünvan: GİN-nin Voleybol Mərkəzi
Hər iki oyun CBC Sport vasitəsilə canlı yayımlanacaq.

Yüksək Liqa (kişilər)
12 mart
XV tur
16:00. “Gənclər” - MOİK
Ünvan: Sumqayıt OİK
16:00. “Xilasedici” - “Neftçi”
Ünvan: FHN-nin idman zalı
Oyunlar AVF-nin rəsmi Youtube kanalında canlı yayımlanacaq.
16:00. “AZERRAIL” - “Murov Az Terminal”
Ünvan: GİN-nin Voleybol Mərkəzi
CBC Sport (canlı)

Kişi voleybolçuların Yüksək Liqasında növbəti oyunlar keçirilib.

Bu gün GİN-nin Voleybol Mərkəzində XIV turun üç qarşılaşması baş tutub.

Günün ilk oyununda “AZERRAIL” 3:0 hesabı ilə MOİK komandasına qalib gəlib.

Daha sonra “Murov Az Terminal” və “Xilasedici” klubları üz-üzə gəliblər. Gərginliyi ilə yadda qalan bu qarşılaşmada qalib tay-brekdə müəyyən olunub. “Xilasedici” 3:2 hesabı ilə “Murov Az Terminal”komandasına qalib gəlib.

Turun son oyunu isə “Neftçi” və “Gənclər” komandaları arasında olub. “Neftçi” gənclərdən təşkil olunmuş rəqibinin ciddi müqaviməti ilə üzləşməsinə baxmayaraq, meydandan 3:1 hesabı ilə qalib ayrılıb.

Oyunların nəticələri

Yüksək Liqa

5 mart

XIV tur

MOİK - “AZERRAIL” 0:3 (19:25, 11:25, 19:25)

“Murov Az Terminal” - “Xilasedici” 2:3 (24:26, 25:19, 21:25, 25:17, 13:15)

“Neftçi” - “Gənclər” 3:1 (25:18, 25:15, 23:25, 25:22)

“Milli Aviasiya Akademiyası” VK-nın liberosu Rita Timonen “Murov Az Terminal” oyunundan sonra fikirlərini bizimlə bölüşüb

“Bütün diqqətimizi rəqib komandanın hücumlarının qarşısını almağa yönəltmişdik. Çünki bilirdik ki, hücumçuların oyunu yaxşı alınsa bizim üçün təhlükəli ola bilər. Komandamız blokda və müdafiədə müəyyən çətinliklər yaşadı. Lakin oyunda mühüm məqamları lazımınca dəyərləndirə bildik. Bundan sonra həm qəbulda, həm digər mövqelərdə səhvimizi aradan qaldırmağa çalışacağıq”.

Qadın voleybolçular arasında Yüksək Liqada növbəti oyunlar keçirilib.

Bu gün GİN-nin Voleybol Mərkəzində XIV turun iki qarşılaşması baş tutub. İlk olaraq meydana “Abşeron” və “AZERRAIL” komandaları çıxıblar. Oyunun qalibi 5 setdə müəyyən olunub. “Abşeron” 3:2 hesabı ilə rəqibini məğlub edib.
Turun son qarşılaşması isə “Milli Aviasiya Akademiyası” və “Murov Az Terminal” klubları arasında olub. Bu qarşılaşmada isə “Milli Aviasiya Akademiyası” 3:0 hesabı ilə qalib gəlib.
Qeyd edək ki, XIV turun ilk qarşılaşması martın 1-də “Gəncə” və UNEC komandaları arasında olmuşdur. Bu oyunda “Gəncə” rəqibini 3:0 hesabı ilə məğlub etmişdir.
Oyunların nəticələri
Yüksək Liqa
XIV tur
4 mart
“Abşeron” - “AZERRAIL” 3:2 (22:25, 25:22, 25:14, 12:25, 15:12)
“Milli Aviasiya Akademiyası” - “Murov Az Terminal” 3:0 (25:19, 25:21, 25:18)

Kişi voleybolçuların Yüksək Liqasında növbəti turun oyunları keçiriləcək.

XIV turun hər üç qarşılaşması martın 5-də GİN-nin Voleybol Mərkəzində baş tutacaq.

Yüksək Liqa

5 mart

XIV tur

14:00. MOİK - “AZERRAIL”

CBC Sport (canlı)

16:00. “Murov Az Terminal” - “Xilasedici”

18:00. “Neftçi” - “Gənclər”

Ünvan: GİN-nin Voleybol Mərkəzi

Oyunlar  AVF-nin rəsmi Youtube kanalında canlı yayımlanacaq.

Azərbaycan Voleybol Federasiyasının Təlim və aşağı yaş qrupları üzrə iş şöbəsinin koordinatoru Nərgiz İsmayılova Avropa Voleybol Konfederasiyası tərəfindən qadın voleybolçular arasında Çempionlar Liqasına təyinat alıb.

N.İsmayılova bu gün 1/4 final çərçivəsində baş tutacaq “Numia Vero Volley MILANO” (İtaliya) və “Eczacibasi Dynavit ISTANBUL” (Türkiyə) komandalarının oyununda hakimlərin işinə qiymət verəcək.

İtaliyanın Milan şəhərində təşkil olunacaq qarşılaşmanı rumıniyalı Tudor Pop və serbiyalı Stanislava Simic idarə edəcəklər. Qarşılaşmanın challenge hakimi isə yunanıstanlı Themelis Michail olacaq.

Kişi voleybolçuların Yüksək Liqasında XIII turdan təxirə salınan “Xilasedici” - “AZERRAIL” qarşılaşması martın 25-də FHN-nin idman zalında baş tutacaq.

Qeyd edək ki, oyun “Xilasedici” klubunun Azərbaycan Voleybol Federasiyasına (AVF) ünvanladığı müraciət əsasında təxirə salınıb. Sənəddə bildirilib ki, “Xilasedici”nin ev oyunlarının təşkil olunduğu FHN-nin idman zalında cüdo üzrə Azərbaycan birinciliyi (U-15) keçirilir. AVF klub rəhbərliyinin müraciətini nəzərə alaraq, matçın vaxtının dəyişidirilməsi ilə bağlı qərar qəbul edib.

Kişi voleybolçuların Yüksək Liqasında XII turun oyunu keçirilib.
Bu gün GİN-nin Voleybol Mərkəzində “AZERRAIL” və “Gənclər” komandaları üz-üzə gəliblər. XII turun son qarşılaşmasında “AZERRAIL” rəqibini 3:0 hesabı ilə məğlub edib.

Oyunun nəticəsi
Yüksək Liqa
3 mart
XII tur
“AZERRAIL” - “Gənclər” 3:0 (25:13, 25:18, 25:21)

Kişi voleybolçuların Yüksək Liqasında XIII turun növbəti oyunu keçirilib.

Bu gün Sumqayıt OİK-də “Gənclər” və “Murov Az Terminal” komandaları üz-üzə gəliblər. Turnir cədvəlinin lideri olan “Murov Az Terminal” 3:0 hesabı ilə rəqibini məğlub edib.

Oyunun nəticəsi

Yüksək Liqa

1 mart

XIII tur

“Gənclər” - “Murov Az Terminal” 0:3 (10:25, 19:25, 17:25)

Qadın voleybolçuların Yüksək Liqasında növbəti turun oyunu keçirilib.

Bu gün UNEC VK-nın idman zalında XIV turun “Gəncə” və UNEC qarşılaşması baş tutub. Oyun Gəncə təmsilçisinin 3:0 hesablı qələbəsi ilə başa çatıb.

Qeyd edək ki, XIV turun digər oyunları martın 4-də keçiriləcək.

Oyunun nəticəsi

Yüksək Liqa

1 mart

XIV tur

“Gəncə” - UNEC 3:0 (25:4, 25:15, 25:8)

XIV tur

4 mart

16:00. “Abşeron” - “AZERRAIL”

18:00. “Milli Aviasiya Akademiyası” - “Murov Az Terminal”

Ünvan: GİN-nin Voleybol Mərkəzi

Oyunlar  AVF-nin rəsmi Youtube kanalında canlı yayımlanacaq.

Kişi voleybolçuların Yüksək Liqasında növbəti turun oyunu keçirilib.

Bu gün GİN-nin Voleybol Mərkəzində XIII tur çərçivəsində “Neftçi” komandası MOİK-lə üz-üzə gəlib. Qarşılaşma “Neftçi”nin 3:0 hesablı qələbəsi ilə başa çatıb.

Oyunun nəticəsi

Yüksək Liqa

28 fevral

XIII tur

“Neftçi” - MOİK 3:0 (25:15, 25:23, 25:9)

Azərbaycan Yüksək Liqalarında növbəti oyunlar keçiriləcək.

Yüksək Liqa (kişilər)

28 fevral

XIII tur

16:00. “Neftçi” - MOİK

Ünvan: GİN-nin Voleybol Mərkəzi

1 mart

XIII tur

16:00. “Gənclər” - “Murov Az Terminal”

Ünvan: Sumqayıt OİK

XII tur

3  mart

16:00. “AZERRAIL” - “Gənclər”

Ünvan: GİN-nin Voleybol Mərkəzi

Oyunlar  AVF-nin rəsmi Youtube kanalında canlı yayımlanacaq.

Yüksək Liqa (qadınlar)

XIV tur

1 mart

14:30. “Gəncə” - UNEC

Ünvan: UNEC VK-nın idman zalı

4 mart

16:00. “Abşeron” - “AZERRAIL”

18:00. “Milli Aviasiya Akademiyası” - “Murov Az Terminal”

Ünvan: GİN-nin Voleybol Mərkəzi

Oyunlar  AVF-nin rəsmi Youtube kanalında canlı yayımlanacaq.