14 yaşadək (U-14) voleybolçu qız və oğlanların Azərbaycan birinciliyinə yekun vurulub. Bu gün AVF-nin İdman zalında həm qızların, həm də oğlanların mübarizəsində yarımfinal və final mərhələsinin oyunları keçirilib.

Qızların yarımfinal oyunlarında “AZERRAIL-2” klubu “Mingəçevir-1” komandasına, “Tovuz RVK” isə “AZERRAIL-5” klubuna qalib gələrək finala vəsiqə qazanıblar. Oğlanların mübarizəsində isə “Sumqayıt RVK” “Oğuz RVK”nı, “Daşkəsən” klubu isə “Naxçıvan”ı məğlub edərək finala yüksəliblər.

Sonra bürünc və qızıl medal uğrunda oyunlara start verilib. Qızların üçüncü yer uğrunda oyununda “AZERRAIL-5“ klubu 3:2 hesabı ilə “Mingəçevir-1“i, oğlanların mübarizəsində isə “Naxçıvan“ 3:0 hesabı ilə “Oğuz RVK“nı məğlub edərək yarışın bürünc medallarını qazanıblar.

Qızların finalında “AZERRAIL-2” klubu “Tovuz RVK”nı 3:0, oğlanların finalında isə “Daşkəsən” komandası “Sumqayıt RVK”nı 3:2 hesabları ilə məğlub edərək çempion olublar.

Final qarşılaşmalarından sonra mükafatlandırma mərasimi başlayıb. Qaliblərə kubok və medallar təqdim olunub. Mükafatları AVF-nin prezidenti Şahin Bağırov, baş katib Faiq Orucov və Sumqayıt Regional Voleybol Klubunun rəhbəri Tariyel Alverdiyev təqdim ediblər.

Beləliklə, qızların birinciliyinin çempionu olan “AZERRAIL-2” klubuna qızıl medal və kubok, “Tovuz RVK”ya gümüş, “AZERRAIL-5” komandasına isə bürünc medallar təqdim edilib.

Oğlanların yarışının qalibi olan “Daşkəsən” klubuna qızıl medal və kubok, “Sumqayıt RVK”ya gümüş, “Naxçıvan” komandasına isə bürünc medallar verilib.

Sonda qaliblərlə xatirə şəkli çəkdirilib.

Qeyd edək ki, sabah (26 may) AVF-nin İdman zalında 18 yaşadək voleybolçuların Azərbaycan birinciliyində (qızlar və oğlanlar) üçüncülük və final qarşılaşamaları, ardınca isə qaliblərin mükafatlandırma mərasimi keçiriləcək.

18 yaşadək voleybolçu qız və oğlanların Azərbaycan birinciliyində mükafatçılar bəlli olub.

Bu gün AVF-nin İdman zalında qızların və oğlanların yarışında bürünc və qızıl medal uğrunda oyunlar keçirilib.

Qızlar arasında üçüncü yer uğrunda qarşılaşmada “Abşeron“ klubu “Lokomotiv“ komandasını 3:2 hesabı ilə məğlub edib. Oğlanların mübarizəsində isə “Naxçıvan“ klubu “Oğuz RVK“ya 3:1 hesabı ilə qalib gələrək bürünc medal qazanıb.

Qızların finalında “AZERRAIL-1” klubu “Şərqi Zəngəzur RVK”nı 3:1, oğlanların finalında isə “Xarıbülbül Şuşa” komandası “Murov Az Terminal” kubunu 3:1 hesabları ilə məğlub edərək çempion olublar.

Final qarşılaşmalarından sonra mükafatlandırma mərasimi başlayıb. Qaliblərə kubok və medallar təqdim olunub. Mükafatları AVF-nin prezidenti Şahin Bağırov, vitse-prezident Bəhruz Quliyev, baş katib Faiq Orucov və AVF-nin İdarə heyətinin üzvü İlqar Nuriyev təqdim ediblər.

Beləliklə, qızların birinciliyinin qalibi olan “AZERRAIL-1” klubuna qızıl medal və kubok, “Şərqi Zəngəzur RVK” gümüş, “Abşeron” komandasına isə bürünc medallar təqdim edilib.

Oğlanların yarışının qalibi olan “Xarıbülbül Şuşa”ya qızıl medal və kubok, “Murov Az Terminal” komandasına gümüş, “Naxçıvan” klubuna isə bürünc medallar verilib.

Sonda qaliblərlə xatirə şəkli çəkdirilib.

Avropa Gümüş Liqasında iştirak edəcək kişi voleybolçulardan ibarət Azərbaycan millisi hazırlığın növbəti mərhələsini Gürcüstanda keçir. Tbilisidə beş gün davam edəcək təlim-məşq toplanışı çərçivəsində komandamız yoxlama oyunlarında da qüvvəsini sınayacaq.

Qeyd edək ki, yığmamız Avropa Gümüş Liqasında ilk turun oyunlarını 6-8 iyun tarixlərində İsveçdə keçirəcək. İkinci turun qarşılaşmaları 13-15 iyunda Azərbaycanda, üçüncü tur isə 20-22 iyunda Farer adalarında təşkil olunacaq.

Avropa Gümüş Liqası (kişilər)

I TURNİR (İSVEÇ)

06.06.2025

17:00 Azərbaycan - İsveç

07.06.2025

17:00 Gürcüstan - Azərbaycan

08.06.2025

17:00 İsveç – Gürcüstan

II TURNİR (AZƏRBAYCAN)

13.06.2025

18:00 Lüksemburq - Azərbaycan

14.06.2025

18:00 Macarıstan – Lüksemburq

15.06.2025

18:00 Azərbaycan - Macarıstan

III TURNİR (FARER ADALARI)

20.06.2025

19:00 Azərbaycan - Farer adaları

21.06.2025

17:00 Avstriya – Azərbaycan

22.06.2025

17:00 Farer adaları – Avstriya

Oyunların keçirilmə saatı yerli vaxtla göstərilib.

Bu gün Azərbaycan Voleybol Federasiyası (AVF) 1 İyun - Uşaqların Beynəlxalq Müdafiəsi Gününə həsr olunan Voleybol Festivalı keçirib. 12 yaşadək voleybolçu qız və oğlanlardan ibarət komandaların iştirak etdiyi festival Bakı ilə yanaşı, bölgələrdə də (Gəncə, Naxçıvan, Hacıqabul, Tovuz, Sumqayıt, Oğuz, Qəbələ, Şəki, Zaqatala) təşkil olunub. Festivalda Bakıda 12 komanda olmaqla, ümumilikdə 94 komanda iştirak edib.

Paytaxtdakı tədbir Dənizkənarı Milli Park ərazisində baş tutub. AVF prezidenti Şahin Bağırov tədbiri giriş sözü ilə açaraq iştirakçıları və qonaqları salamlayıb. O, bildirib ki, festivalın keçirilməsində məqsəd uşaqların idmana marağını artırmaq, sağlam həyat tərzini təbliğ etmək və dostluq, komanda ruhu kimi dəyərləri təşviq etməkdir. Qurum rəhbəri festivalın voleybolla məşğul olan uşaqların professional voleybolçu kimi inkişafına, həmçinin uşaqların bu idman növünə cəlb olunmasına töhfə verəcəyinə əminliyini ifadə edib.

Daha sonra festival açıq elan edilib. Ərazidə qurulan voleybol meydançalarında uşaqlar arasında simvolik yarışlar və müxtəlif oyunlar təşkil olunub.

Sonda festivalda iştirak edən uşaqlara sertifikatlar, valideynlərə isə təşəkkürnamələr verilib.

16 yaşadək voleybolçu qız və oğlanların Azərbaycan birinciliyində mükafatçılar bəlli olub.

Bu gün AVF-nin İdman zalında qızların və oğlanların yarışında bürünc və qızıl medal uğrunda oyunlar keçirilib.

Qızlar arasında üçüncü yer uğrunda qarşılaşmada “Şərqi Zəngəzur RVK“ komandası “Bakı VK“nı 3:0 hesabı ilə məğlub edib. Oğlanların mübarizəsində isə “Gəncə RVK“ komandası “AZERRAIL-3“ klubuna 3:0 hesabı ilə qalib gələrək bürünc medal qazanıb.

Qızların finalında “Möminə Xatun” komandası “AZERRAIL” klubunu, oğlanların finalında isə “Oğuz RVK” komandası “Bakı RVK”nı 3:2 hesabları ilə məğlub edərək çempion olublar.

Final qarşılaşmalarından sonra mükafatlandırma mərasimi başlayıb. Qaliblərə kubok və medallar təqdim olunub. Mükafatları AVF-nin baş katib Faiq Orucov, icraçı direktor Vüqar Hüseynzadə və maliyə direktoru Sənan Cəfərov təqdim ediblər.

Beləliklə, qızların birinciliyinin qalibi olan “Möminə Xatun” komandasına qızıl medal və kubok, “AZERRAIL” klubuna gümüş, “Şərqi Zəngəzur RVK” komandasına isə bürünc medallar təqdim edilib.

Oğlanların yarışının qalibi olan “Oğuz RVK”ya qızıl medal və kubok, “Bakı RVK” komandasına gümüş, “Gəncə RVK” klubuna isə bürünc medallar verilib.

Sonda qaliblərlə xatirə şəkli çəkdirilib.

Kişi voleybolçuların Yüksək Liqasının ən yaxşı oyunçuları və Rəmzi komandası (“Dream team”) bəlli olub.

Bu gün Milli Gimnastika Arenasında keçirilən final qarşılaşması ilə Azərbaycan çempionatına yekun vurulub.

Oyundan dərhal sonra qalib komandalara medal və kuboklar təqdim olunub. Həmçinin Yüksək Liqanın ən yaxşı oyunçuları və Rəmzi komandası müəyyənləşib.

Mükafatları Azərbaycan Voleybol Federasiyasının vitse-prezidenti Bəhruz Quliyev təqdim edib.

Kişi voleybolçular arasında Yüksək Liqada fərqlənən oyunçular:

“Ən dəyərli oyunçu” (MVP) – Sergey Platanenkov (“AZERRAIL”)

“Ən gənc və perspektivli oyunçu” - Zamiq Mayılov (“Gənclər”)

Rəmzi komanda:

“Ən yaxşı toppaylayıcı” – Roman Yegorov (“AZERRAIL”)

“Ən yaxşı hücumçu” – Baetens Seppe (“Murov Az Terminal”)

“Ən yaxşı hücumçu” – Mohammadhossein Charklouei (“AZERRAIL”)

“Ən yaxşı libero” – Nihad Qasımov (“AZERRAIL”)

“Ən yaxşı orta oyunçu”– Aleksey Samoylenko (“Murov Az Terminal”)

“Ən yaxşı orta oyunçu”– Almora Gustava (“Xilasedici”)

“Ən yaxşı diaqonal oyunçu” - Nikita Alekseev (“Murov Az Terminal”)

Eləcə də çempionatın oyunlarını canlı yayımlayan “CBC Sport” telekanalına və GİN-in Voleybol Mərkəzinə qarşılaşmaların keçirilməsində göstərdiyi dəstəyə görə təşəkkürnamələr verilib.

Qadın voleybolçuların Yüksək Liqasının ən yaxşı oyunçuları və Rəmzi komandası (“Dream team”) bəlli olub.

Bu gün Milli Gimnastika Arenasında keçirilən final qarşılaşması ilə Azərbaycan çempionatına yekun vurulub.

Oyundan dərhal sonra qalib komandalara medal və kuboklar təqdim olunub. Həmçinin Yüksək Liqanın ən yaxşı oyunçuları və Rəmzi komandası müəyyənləşib.

Mükafatları Azərbaycan Voleybol Federasiyasının vitse-prezidenti Bəhruz Quliyev təqdim edib.

Qadın voleybolçular arasında Yüksək Liqada fərqlənən oyunçular:

“Ən dəyərli oyunçu” (MVP) – Anastasiya Shupianova ("AZERRAIL")

“Ən gənc və perspektivli oyunçu” - Sona Atayeva (“Milli Aviasiya Akademiyası”)

Rəmzi komanda:

“Ən yaxşı toppaylayıcı” – Kveta Grabovska ("AZERRAIL")

“Ən yaxşı hücumçu” – Nikalina Başnakova (“Abşeron”)

“Ən yaxşı hücumçu” – Daniela Djakovic (“Milli Aviasiya Akademiyası”)

“Ən yaxşı libero” – Yuliya Kərimova (“Gəncə”)

“Ən yaxşı orta oyunçu”– Anastasiya Mertlasova (“Abşeron”)

“Ən yaxşı orta oyunçu”– Vera Klimovich (“Milli Aviasiya Akademiyası”)

“Ən yaxşı diaqonal oyunçu” - Katerina Zhidkova (“Abşeron”)

Qadın voleybolçuların Yüksək Liqasına yekun vurulub.

Bu gün Milli Gimnastika Arenasında keçirilən ikinci final qarşılaşmasında “AZERRAIL” klubu 3:0 hesabı ilə (İlk oyun “Abşeron” - “AZERRAIL” 3:0) qalib gələrək çempion adını qazanıb.

Final qarşılaşmasından sonra Yüksək Liqanın mükafatlandırma mərasimi keçirilib. Çıxış edən Milli Olimpiya Komitəsinin vitse-prezidenti Çingiz Hüseynzadə, Avropa Voleybol Konfederasiyasının prezidenti Roko Sikiriç, Azərbaycan Voleybol Federasiyasının prezidenti Şahin Bağırov mükafatçıları təbrik edib və onlara uğurlar arzulayıblar.

Daha sonra AVF-nin vitse-prezidenti Bəhruz Quliyev çempionatda fərqlənən voleybolçulara “Ən yaxşı oyunçu” mükafatlarını təqdim edib. Ardından qaliblərə kubok və medallar verilib. Çempiona kuboku Çingiz Hüseynzadə, qalib komandalara medalları isə CEV prezidenti Roko Sikiriç, AVF-nin prezidenti Şahin Bağırov və AVF-nin vitse-prezidenti Faiq Qarayev təqdim ediblər.

Beləliklə, qadın voleybolçuların Yüksək Liqasının qalibi “AZERRAIL”ə qızıl medal və kubok, “Abşeron”a gümüş, “Milli Aviasiya Akademiyası”na isə bürünc medallar təqdim olunub.

Sonda qaliblərlə xatirə şəkilləri çəkdirilib.

Qeyd edək ki, sabah kişi voleybolçuların Yüksək Liqasında son final matçı və mükafatlandırma mərasimi keçiriləcək.

Azərbaycan Voleybol Federasiyasının (AVF) rəhbərliyi, ölkəmizdə səfərdə olan Avropa Voleybol Konfederasiyasının (CEV) prezidenti Roko Sikiriç Fəxri xiyabanı ziyarət ediblər. AVF nümayəndələri və qonaq Ümummilli Lider Heydər Əliyevin xatirəsini ehtiramla yad edərək məzarı önünə gül dəstələri düzüblər. Həmçinin görkəmli oftalmoloq-alim, akademik Zərifə Əliyevanın xatirəsi yad edilib, məzarı üzərinə məzarı üzərinə gül dəstələri qoyulub.

Qonaqlar Şəhidlər xiyabanını da ziyarət ediblər. Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının məzarları üzərinə gül dəstələri düzülüb.

Avropa Voleybol Konfederasiyasının (CEV) prezidenti Roko Sikiriç aprelin 24-də Bakıya səfər edəcək.

CEV prezidenti 24-25 aprel tarixlərində Milli Gimnastika Arenasında təşkil olunacaq qadın və kişi voleybolçuların Yüksək Liqasında final oyunlarını izləyəcək, həmçinin qaliblərin mükafatlandırma mərasimində iştirak edəcək. Səfər çərçivəsində CEV rəhbəri ilə bir neçə mühüm görüşün keçirilməsi də nəzərdə tutulub.

Bu gün Avropa Voleybol Konfederasiyasının (CEV) prezidenti Roko Sikiriç, Azərbaycan Voleybol Federasiyasının (AVF) vitse-prezidenti Bəhruz Quliyev, AVF-nin baş katib Faiq Orucov, AVF prezidentinin müşaviri Cəlil Cəfərov, gənc qız və oğlanlardan ibarət milli komandaların oyunçuları və məşqçiləri ilə görüşüblər. GİN-in Voleybol Mərkəzində baş tutan toplantıda CEV rəhbəri gəncləri salamlayıb, onlara uğurlar arzu edib. O, AVF-də uşaq voleybolunun inkişafı istiqamətində həyata keçirilən tədbirləri yüksək qiymətləndirib.

Daha sonra AVF-nin icraçı direktoru Vüqar Hüseynzadə federasiyada görülən işlər və qarşıdakı planları əhatə edən təqdimatla çıxış edib.

Tədbirdə AVF-nin Təlim və aşağı yaş qruplarının rəhbəri Doc.Dr.Cengiz Akarçeşme çıxış edərək bildirib ki, AVF-də məşqçiliyə yeni başlayan mütəxəssislərlə işlər aparılır, onların bilik və bacarıqlarının artırılmasına dair müxtəlif seminarlar təşkil edilir.

Aprelin 25-də gənclər və idman naziri Fərid Qayıbov Avropa Voleybol Konfederasiyasının (CEV) prezidenti Roko Sikiriçi qəbul edib.

Görüşdə Azərbaycan ilə CEV arasında əməkdaşlıq əlaqələri, voleybolun inkişaf perspektivləri və birgə layihələr müzakirə olunub. Tərəflər gələcək əməkdaşlığın genişləndirilməsi istiqamətində fikir mübadiləsi aparıblar.

Görüşdə nazirliyin İdman şöbəsinin müdiri Elnur Məmmədov, Azərbaycan Voleybol Federasiyasının baş katibi Faiq Orucov və Avropa Voleybol Konfederasiyasının İdarə Heyətinin üzvü Cəlil Cəfərov da iştirak ediblər.

Kişi voleybolçuların Yüksək Liqasına yekun vurulub.

Bu gün Milli Gimnastika Arenasında keçirilən finalda “AZERRAIL” klubu “Murov Az Terminal”ı 3:1 hesabı ilə (İlk oyun 3:0) məğlub edərək çempion adını qazanıb.

Final qarşılaşmasından sonra Yüksək Liqanın mükafatlandırma mərasimi keçirilib. Çıxış edən Avropa Voleybol Konfederasiyasının prezidenti Roko Sikiriç, Azərbaycan Voleybol Federasiyasının prezidenti Şahin Bağırov mükafatçıları təbrik edib və onlara uğurlar arzulayıblar.

Daha sonra AVF-nin vitse-prezidenti Bəhruz Quliyev çempionatda fərqlənən voleybolçulara “Ən yaxşı oyunçu” və mükafatları təqdim edib. Ardından qaliblərə kubok və medallar verilib. Çempiona kuboku Milli Olimpiya Komitəsinin baş katibi Azər Əliyev, qalib komandalara medalları CEV rəhbəri Roko Sikiriç, AVF-nin prezidenti Şahin Bağırov və AVF-nin vitse-prezidenti Faiq Qarayev təqdim ediblər.

Beləliklə, kişi voleybolçuların Yüksək Liqasının qalibi “AZERRAIL”ə qızıl medal və kubok, “Murov Az Terminal”a gümüş, “Xilasedici”yə isə bürünc medallar təqdim olunub.

Sonda qaliblərlə xatirə şəkilləri çəkdirilib və Yüksək Liqada 2024/2025 illər mövsümü bağlı elan edilib.

Rumıniya kubokunun qalibi, millimizin hücumçusu Andrey Melnikov

“Final matçı çox gərgin və emosional keçdi. Final oyunları yüksək səviyyədə təşkil olunmuşdu, möhtəşəm azarkeş dəstəyi vardı.

Mövsüm artıq sona yaxınlaşır. Çempionatın finalında “Dinamo” klubu ilə qızıl medallar uğrunda yarışırıq. Bir oyunda artıq qalib gəlmişik, çalışacağıq qızıl medalı biz qazanaq.

Ümumiyyətlə, çempionat, iştirakçı komandalar çox güclüdür. Mövsüm maraqlı, çətin və çoxlu səyahətlərlə dolu oldu. Ümumilikdə isə bu çempionat mənə çox böyük təcrübə verdi”.

Azərbaycan millisinin üzvləri Rumıniya kubokunun qalibi olublar

Qadın voleybolçulardan ibarət Azərbaycan millisinin üzvləri Yelizaveta Ruban və Olena Xarçenko “Alba Blaj” klubu ilə, kişilərdən ibarət millimizin hücumçusu Andrey Melnikov isə “Corona Brasov” klubu ilə Rumıniya kubokunu qazanıblar

Qeyd edək ki, final matçında “Alba Blaj” klubu “CSO Voluntari”ni, “Corona Brasov” isə “Municipal Zalau”nu 3:1 hesabı ilə məğlub edib.

Hər üç voleybolçumuzu qazandıqları kubok münasibətilə təbrik edirik

Kişi voleybolçuların Yüksək Liqasında növbəti turun oyunları keçirilib.

Bu gün baş tutan XVII tur çərçivəsində Sumqayıt OİK-də “Gənclər” komandası “AZERRAIL”lə, FHN-nin idman zalında “Xilasedici” MOİK-lə, GİN-nin Voleybol Mərkəzində isə “Neftçi” klubu “Murov Az Terminal”la üz-üzə gəlib.

“AZERRAIL” və “Xilasedici” komandaları 3:0, “Murov Az Terminal” klubu isə 3:1 hesabı ilə qələbə qazanıblar.

Oyunların nəticələri

Yüksək Liqa (kişilər)

28 mart

XVII tur

“Xilasedici” - MOİK 3:0 (27:25, 25:15, 25:15)

“Gənclər” - “AZERRAIL” 0:3 (23:25, 14:25, 13:25)

“Neftçi” - “Murov Az Terminal” 1:3 (20:25, 27:29, 27:25, 16:25)

Qadın voleybolçular arasında Azərbaycan Yüksək Liqasında XVII turun oyunları keçirilib.

Turun bir qarşılaşması UNEC VK-nın idman zalında UNEC və “Abşeron” komandaları arasında olub. Görüş “Abşeron” klubunun 3:0 hesablı qələbəsi ilə başa çatıb.

Turun digər qarşılaşmaları isə GİN-in Voleybol Mərkəzində təşkil olunub. Burada “Murov Az Terminal” komandası “AZERRAIL”lə, “Milli Aviasiya Akademiyası” klubu isə “Gəncə” ilə üz-üzə gəlib.

“Murov Az Terminal” - “AZERRAIL” oyununda qalib 4 setdə müəyyən olunub. “AZERRAIL” rəqibini 3:1 hesabı ilə məğlub edib.

Turun son qarşılaşması isə gərginliyi ilə yadda qalıb. Bu görüşdə “Gəncə” 3:2 hesabı ilə qələbə qazanıb.

Oyunların nəticələri

Yüksək Liqa

27 mart

XVII tur

UNEC - “Abşeron” 0:3 (8:25, 11:25, 10:25)

“Murov Az Terminal” - “AZERRAIL” 1:3 (23:25, 26:28, 25:11, 15:25)

“Milli Aviasiya Akademiyası” - “Gəncə” 2:3 (24:26, 25:16, 16:25, 27:25, 15:17)

Yüksək Liqa yarışlarında XVII turun oyunları keçiriləcək

Yüksək Liqa (qadınlar)

27 mart

XVII tur

16:00. UNEC - “Abşeron”

Ünvan: UNEC VK-nın idman zalı

 AVF-nin rəsmi Youtube kanalında canlı yayımlanacaq.

16:00. “Murov Az Terminal” - “AZERRAIL”

18:00. “Milli Aviasiya Akademiyası” - “Gəncə”

Ünvan: GİN-nin Voleybol Mərkəzi

Hər iki oyun CBC Sport vasitəsilə canlı yayımlanacaq.

Yüksək Liqa (kişilər)

28 mart

XVII tur

16:00. “Xilasedici” - MOİK

Ünvan: FHN-nin idman zalı

 AVF-nin rəsmi Youtube kanalında canlı yayımlanacaq.

16:00. “Gənclər” - “AZERRAIL”

Ünvan: Sumqayıt OİK

 AVF-nin rəsmi Youtube kanalında canlı yayımlanacaq.

16:00. “Neftçi” - “Murov Az Terminal”

Ünvan: GİN-nin Voleybol Mərkəzi

 CBC Sport vasitəsilə canlı yayımlanacaq.

Bu gün kişi voleybolçuların Yüksək Liqasında XIII turdan təxirə salınan “Xilasedici” - “AZERRAIL” qarşılaşması keçirilib. FHN-nin idman zalında təşkil olunan oyun gərginliyi ilə yadda qalıb. 5 set davam edən görüşdən “AZERRAIL” 3:2 hesabı ilə qalib ayrılıb.

Oyunun nəticəsi

25 mart

 Yüksək Liqa (kişilər)

XIII tur

“Xilasedici” - “AZERRAIL” 2:3 (25:23, 25:27, 25:23, 23:25, 13:15)

Voleybol üzrə 16 yaşadək qızlardan ibarət Azərbaycan yığması “Kardeşlik” turnirində ikinci yerə çıxıb.

Türkiyənin Bursa şəhərində təşkil olunan yarışda yeddi komanda (Azərbaycan (U-16), “DSİ Nilüfer Spor Klubu”, “Eskişehir DSİ Bentspor Klubu”, “Oksijen Genclik Spor Klubu”, “Kestel Belediyye Spor klubu”, “Hürriyet Spor Klubu”, “Gemlik İstiklal Spor Klubu”) mübarizə aparıb. Təmsilçimiz finalda Bursanın “DSİ Nilüfer Spor Klubu”na məğlub olaraq ikinci olub.

Komandamız Şahin Çatmanın rəhbərliyi ilə martın 26-dək təlim-məşq toplanışını Əskişəhərdə davam edəcək və yoxlama oyunlarında gücünü sınayacaq.

Qeyd edək ki, federasiya nümayəndəsi Məftun Salmanov, baş məşqçi Şahin Çatma və voleybolçularımız Əskişəhər rəhbərliyi və “Eskişehir DSİ Bentspor Klubu”nun prezidenti ilə də görüşüblər. Görüşlər zamanı birgə əməkdaşlığın davam etdiriləcəyi, qarşılıqlı təlim-məşq toplanışlarının və turnirlərin, yoldaşlıq oyunlarının təşkil olunacağı bildirilib.