Kişi voleybolçuların Yüksək Liqasında VII tur çərçivəsində növbəti oyunlar keçirilib. “Murov Az Terminal” komandası “Neftçi” ilə, “Xilasedici” isə “ORDU” komandası ilə üz-üzə gəlib.
FHN-in idman zalında təşkil olunan günü  ilk oyununda “Neftçi” komandası “Murov Az Terminal” üzərində 3:2 hesabı ilə qələbə qazanıb. 
Turun “Xilasedici” – “ORDU” oyunu isə supervayzerin qərarı ilə ikinci hissədən yarımçıq dayandırılıb. Qarşılaşma ilə bağlı Azərbaycan Voleybol Federasiyası tərəfindən müvafiq qərar qəbul ediləcək və açıqlanacaq.