Bu gün qadın voleybolçuların Yüksək Liqasında VII turun oyunu keçirilib. UNEC VK-nın idman zalında UNEC və “Gəncə” komandaları üz-üzə gəlib. Gərgin və maraqlı mübarizə şəraitində keçən qarşılaşmada qalib tay-brekdə müəyyən olunub. Görüşdə qonaq komanda “Gəncə” 3:2 hesabı ilə UNEC üzərində qələbə qazanıb.

Qeyd edək ki, turun növbəti oyunu sabah saat 15:00-da AVF-nin idman zalında “Abşeron” və “Turan” komandaları arasında keçiriləcək.

Yüksək Liqa (qadınlar)

18 dekabr

VII tur

“UNEC” – “Gəncə” 2:3 (25:18, 25:14, 22:25, 23:25, 7:15)