Bu gün qadın və kişi voleybolçuların Yüksək Liqa yarışlarında ilin ilk oyunları baş tutub.

FHN-in idman zalında kişilər arasında VIII turun iki qarşılaşması keçirilib. Tur çərçivəsində “Neftçi” və “Gənclər”, “ORDU” və “Murov Az Terminal” oyunları oynanılıb. “Neftçi” 3:0, “ORDU” isə 3:2 hesabı ilə rəqiblərini məğlub edib.
Qadınların VI turunun təxirə salınmış qarşılaşması “Murov Az Terminal” VK-nın idman zalında baş tutub. Burada “Murov Az Terminal” və “Abşeron” komandaları üz-üzə gəlib. Qarşılaşmanın qalibi tay-brekdə müəyyən olunub. “Abşeron” 3:2 hesabı ilə qalib gəlib.

Oyunların nəticələri
Yüksək Liqa (qadınlar)
6 yanvar (təxirə düşən oyun – VI tur)
“Murov Az Terminal” - “Abşeron” 2:3 (25:21, 15:25, 20:25, 29:27, 11:15)

Yüksək Liqa (kişilər)
6 yanvar (VIII tur)
“Neftçi” - “Gənclər” 3:0 (25:10, 25:10, 25:23)
“ORDU” - “Murov Az Terminal” 3:2 (25:15, 20:25, 25:22, 23:25, 15:10)