Azərbaycan Voleybol Federasiyasının (AVF) prezidenti Şahin Bağırov Gəncə Regional Voleybol Klubunun (RVK) Yevlax və Ağdaş bölmələrinin yeniyetmə voleybolçuları və məşqçiləri ilə görüşüb. Tədbirdə Gəncə RVK-nın rəhbəri Şamil Həsənli, klubun direktoru Sərxan Məmmədov və yeniyetmə voleybolçuların valideynləri də iştirak ediblər.

Görüşdə federasiya prezidentinə Gəncə RVK-nın Yevlax və Ağdaş bölmələrində görülən işlər, idmançılar və məşqçilər üçün yaradılan şərait barədə ətraflı məlumat verilib.

Çıxış edən Şahin Bağırov AVF-nin ölkəmizdə voleybolun inkişafı və kütləviliyinin artırılması istiqamətində həyata keçirdiyi işlərdən danışıb, gənc idmançılara tövsiyələr verib və onlara uğurlar arzulayıb.